文華聖誕大餐,千四個大洋,有乜食?有幾好味?

好唔好味係在於你身邊個位架o者,其實只有你係度,咸魚白菜也好好味.

千fa都話la,"不必加班去贈我鈔票 不必溫書去入劍橋. 不必飛車去讓我心跳 毫不重要"

陪我就夠了。

 

 

很喜歡看小克的作品,除了聾貓,這個薑系列也是一邊看一邊笑不停,只因....我也是...

十月,消費月,唔好俾佢停。

HAPPY BIRTHDAY TO DD
DD一早已經訂左千fa concert,仲揀係正佢生日黎睇!開心開心開心開心。讀書個陣已經鐘意千FA,話佢好靚咩?又唔係。唱歌好好聽?都唔係。咁做咩鐘意佢?可能因為佢既性格掛..鐘意無原因既。千FA開左咁多次CONCERT,呢次係我第一次睇,坐第12行^^,好近好近,THX DD.千FA好瘦,唱LIVE好左好多,不過都仲係唔記得歌詞,哈!睇之前同DD賭估歌.一人廿首,邊個中得多有HK$500..結果係...打和=_=||,為左睇個陣有驚喜,所以前兩場既CONCERT新聞都無睇過,原來有古仔!仲要咀咀咀咀咀.....

全晚開心到極點,我當然係又叫又啪個隻啦~~~睇得投入先開心嘛!!!

月尾仲有得睇醫神添!!!(特別嗚謝M仔買飛!第六行!做到野!)

 

咪話我無心肝喇,為左你既生日我都Plan左好耐,對比起你就緊拍馬都追唔上啦,不過我今次都有d驚喜架,雖然timing仲差少少.勝在有heart呢!

上applestore order左個i Pod touch仲刻埋字,原本佢話成15日先ready,點知boom一聲十月頭就送左貨=_=||..仲係maggieland 買左張生日card,好精美!

因為14號要睇千fa concert,所以提早左13號晚吃大餐,一早book左赤柱美利樓吃德國菜"KING LUDWIG BEERHALL",睇怕你都未食過喇掛~哈哈!

諗住坐露檯望住個海浪漫下,點知落雨,所以轉坐室內,有LIVE BAND,好熱鬧.

ORDER左個個都讚VERY GD既豬手(又真係好好味,脆卜卜,肉又軟又滑,味度一流!HK$12X)

什錦腸(因為貪心,一次過可以試到成5-6款腸HK$18X)

匈牙利牛牛湯(好濃,落單個靚仔好細心咁話聲我地知個湯係少少辣,抵讚!HK$4X)

農夫包 (外脆內軟,配牛肝醬和芝士香草醬HK$20,抵食)

德國啤(叫左兩款,每杯成0.5ML,都幾甜,好重麥味,岩女仔飲HK$6X@)

 

全晚既高潮黎喇....洗開左DD去廁所拎紙巾,就拿拿淋淋叫哥哥仔拎個BIRTHDAY出黎,當DD坐定定.音樂就起了..兩位WAITER同LIVE BAND位姨姨就拎埋個蛋糕出黎了!HAPPY BIRTHDAY TO DEREK~~~~啦啦啦~~~行埋黎同DD唱生日歌..驚喜無?仲送多左個大大啤酒杯同寶麗來相添!!(今次個CAKE係餐廳度訂既,因為要買佢個CAKE先會同你唱歌=_=)

 

喂喂喂!你仲未話我知你生日願意係乜啵?係咪減肥成功...HAHA

 

 

"辛苦搵來至在食",我一向都好認同呢句說話,基本上每月支出絕大部份都花在"食",人一世物一世,緊係試下啦!

岩岩過Probation,又國慶,又放假,緊係要賀賀!

今次走左去中環試下"銀杏館"。

記得早幾個星期睇過阿蘇介紹"銀杏館"呢間法國菜館,最特別就係佢地既員工,全部都係老而彌堅既退休長者,有校長,有私機,有酒店顧問...事旦一個都大過我同DD加埋~年幾大又唔代表無工作能力,呢埋就係親切既TOM同CHAN 招呼我地,好親切又友善!坐底後TOM叔叔就汁杯水,DD只係望隻杯一眼(因為有D水印),TOM就主動提出:"係咪污糟?我幫你換過隻"今時今日咁既服務真係好難得! 因為今晚好多人,好在一早BOOK位,雖然坐樓上都幾迫,但食得好開心。

 

1) 意大利雜菜(配餐HK$40)- 單飲無特別,不過配埋香草包就VERY GOOD!

2) 菠菜忌廉湯(配餐HK$40)- 好香菠菜味,同忌廉湯比例剛剛好,好香濃!

3) 意大利香草包(HK$20)-   超好味,阿蘇話係佢地自家製!外面脆卜卜,入面有咬口。

4) Chef Salad(配餐HK$40)-原本平平無奇,但有一支叫"阿麻籽"既東西俾我地加,個樣似芝麻,聽阿TOM叔講,有奧亞米加3,有效防治心臟血管病!

5) 香煎法國鵝肝(HK$108)-  對上一次食鵝肝係大XX既鐵板餐..呵.無得比較,不過DD說話麻麻地,煎得唔夠香同無乜味。

6) 蜜糖鴨胸意大利飯(HK$138)-DD:好味!!好好味!!又真係好好味!煙煙unun,又陣陣芝士~~~個鴨好好味!!gooooood

7)燒羊架配栗茸,燒雜菌,薄荷汁(HK$198)-我好鐘意個薄荷汁!似O者哩,但又咸咸地,好得意!栗茸配埋燒雜菌個汁好好味,仲有個D豆(唔知係乜豆呢?)好爽口!羊架都OK,唔騷,幾淋,但就無驚奇。

8)水蜜桃茶- 成WU上架,加埋都有3-4杯!好香好香.仲有藍莓茶,不過我揀左咖啡~好味!

 

銀杏館

地址 : 中環歌賦街44號地下
電話 : 2545-1200
BLOG:http://hk.myblog.yahoo.com/gingkohouse

 

和DD研究白汁不下廿次,屢戰屢敗,終於皇天不負有心人!!!成功了!白汁份量剛剛好,夠creamy又不會很漏 .We did it!要好好記住以下份量!

意粉 -----4安士

忌廉 -----250ml

白酒 -----1/2cup (或更少)

芝士粉----3湯匙

蒜茸 -----3粒

雜香草/牛油/欖油/黑椒/鹽

 

送給你的歌 南拳媽媽-我們 

風吹 風聲清脆 
風鈴在搖晃月
終於瞭解 愛上誰 
感覺一直來回
夜裏的水滴很冰 
滴答落下很輕
輕敲愛情 聽 
有你在裏面的聲音
草原上的雨季 爬滿了綠 
我心裏 長滿回憶
原來愛 是一種 心理狀態 
無形卻 深深存在
輕唱著 這首歌
送俾最 愛的你 
親愛的你是我的人 
那潮汐溫柔的覆蓋 銀色沙地
(那潮汐 溫柔 如你萬里華里)
我終於擁有了你
(我終於 擁有了 月光與你)

*鳴謝N小姐終於轉歌*

我們的紀念日,當然又是去吃大餐-中環碗屋。

超級有水準的日式buffet,新解刺身,壽司,燒生螺,鹽燒田螺...好多好多野野,好新鮮,好味.當然價錢亦...一年一次,就等DD豪一次吧,呵。收到一支B5,好像是超級保濕的東東..抱歉沒買甚麼給你,我知你不介意的...因為你是很就我,很疼我,很保護我,很愛我,很包容我 I LOVE U DEREK我也會盡量發少D脾氣,黑少D面,鬧少D,講多D野...CCCCC

 

 

頭癢~~頭癢~~

每天去二記入貨都好頭癢,每每都癢在cream cheese 和 cream..

條數就咁計..250g既cream cheese 就已經$22,但1kg先至 $44,用兩舊250既價錢,可以有4舊既享受,係咪抵好多先?

就係呢個原因,次次最後都係揀買1kg,但最後用唔到一半已經發紅點要掉,到頭來可能買一舊250$22仲化算。

為左打破呢個宿命!我決定挑戰勁限,ko晒1kg cream cheese!!!

最後用左一半個日頭做左:

1個 8" +2個 4cm mini   New york cheese cake

1個6"Oreo Lemon cheese cake

1個6" 日式芝士蛋糕

我竟然可以用盡1 kg!!!!!!!!!!!!!!! 我得左喇

 

 

今次第一次整Oreo 檸檬芝士蛋糕,係跟我深愛既Tony Wong本書整!

阿哥2姐一見到就R晒頭..無啦啦夾幾舊餅,好怪囉..

但我堅持堅持..Tony!!果然係無錯!!呢個配合真係絕配,個陣檸檬,夾埋d古力味..um.~~~~~最神奇係oreo 焗完之後更加脆!!!!

I Love Tong~~~~ 

 

  

到底無事忙,是忙,還是不忙?我也不知道..

好像很忙,但又不知到底在忙啥。

好久沒寫blog....很久沒開會...很久沒去cafe ...很久沒活動...很久沒上堂...很久沒做cake 很久..大家都愈來愈忙、忙、忙。

昨晚看了日劇求婚大作戰.突然想起中學的生活.原來剩下沒多少記憶.過去有很多精彩的日子都忘記了...不寫下,回望過去就像一片空白,開心的事很快消失,但難過的總是很難忘記,人就是這樣。

早兩年8號風球,跟香港所有公司一樣,到最後一刻才可下班,在灣仔地鐵站..巴士站...好像打仗一樣.行人路等車的人霸佔了兩條行車線..一邊的阿叔在鼓譟,另一邊的c9在罵,大雨下人人乾等巴士,一間又一間"客滿"的巴士經過....從未見過這情景-> 我被困灣仔 <-兩小時後,雨仍在下,人沒散去,反之更多.我選擇退守到KFC.救星終於出現,DD幾經辛苦才渣車到灣仔接我..但已經是五點了。

 

就這樣,本應多了半天假,結果跟平日放工沒差。可恐。

 

 

WELL,原來成3個月無寫BLOG。

由IBM Part Ctr=>Pineway=>Senco..話咁快就又轉工了.搵到一份到目前為止都幾ok既工 ^__^, 雖然唔似MNL咁,有自己一間公司,不過都幾滿意呀~

番呢份新工之前去左泰國過左6日漫長假期..D相?遲D先la.....

不過係輝輝4堂完左之後,就接住番左Miss HO 五日唧花。好開心,第一次接足Icing~~Miss Ho又和藹可親,不過最差就係間學校,個千幾蚊,連紙盒都唔包!乜都要加錢!最後仲要加多50蚊先拎到張紙!但俾左千幾蚊,唔拎埋張野又好似唔抵咁....=_=仲有本特別食譜...同依家街賣既封面唔同架!最緊要係有miss ho簽名呀嘛!!!下一個目標係學Fondant.不過Miss Ho轉左中午開班(想點喎...唔番工咩...) ,仲考慮緊好無去中環Wilton個間學.....好無呢好無呢?依家我既目標係咁1個3層高既結婚餅!!!我得架!等下啦~~~

星期六放工回到家一鼓作氣,試試上堂學回來的,有沒有忘記。

早陣子在家stock take,經過一個下午盤點完畢,當然也是有不少材料過期....

最怕就是去買淡忌廉和忌廉芝士.只差10元,就有多一倍份量,最後還是婆仔心態,當然買大份量吧!

但結果卻是一半也用不完就過期了。可惡。

這次做個古力慕絲,本要用上60%以上的古力,但家中存貨太多了,就用了2/3 53% + 1/3 純古力 (純古力就是丁點甜也沒有,苦得要命的)

開始動工,發覺原來是二姐生日正日....順理成章變成一個生日蛋糕了。

蛋糕最後是給二姐公司蝗蟲部隊消化了。

同場加影咖哩角。好味!

 

 

 

 

 

 

 

 

 

 

 

 

 

 

來到第3堂了,這次是力嬌杏仁油合桃忌廉餅,一聞到那支力嬌杏仁酒..大家都!@#$%

不過這個餅很特別,口感加冰覺得不錯,很軟滑,餡少甜,配淋面,中間又夾著炒合桃,脆卜卜。

最底層是杏仁蛋糕(加冰很喜歡,很好咬咬咬咬)

之後是力嬌合桃糖忌廉(好耐之前做過炒榛子,失敗左.依家知道要點炒先岩喇!下次整個3兄弟!)

然後係杏仁忌廉(個餅即食時杏仁味太勁,頂唔緊,不過放左1晚之後好好多,再放多晚更加好..即係話..唔係杏仁味呢個CAKE先最好味),

最面加一層淋面古力(之前淋到周圍都係,仲好易整花個餅,依家又圓又滑..呵)。

最後仲有個超緊張10秒古力裝飾!!!!!!!!!真係好緊張!

輝輝堂,雖然好貴,不過真係學到好多野,好多人話佢惡,我又唔覺(最少無黑過我面先),上堂都有講有笑,不過今堂因為有個同學仔埋餅時落完魚膠仲係咁攪,

最後個餅埋唔到,輝sir就好勞氣:"差個幾秒就幾秒!做乜見到個餅1舊舊都唔叫我!!"同學仔就答:"我唔知佢已經得,我咪再攪囉..." sir:"你上7堂喇!仲唔知!"

阿sir個樣係好炆架..佢話:"整餅就係咁,差少少就係個少少!要專心做!!"...好明顯阿sir對整餅真係好有heart先會咁肉緊。其實輝sir真係1d都唔惡,仲有問必答.答得好詳細添!

 

 

 

 

期待很久,終於到了上堂的日子

一連4個星期都可以見到輝sir^^.多謝dede錢力支持!呵呵。

 

輝sir的課,真是獲益良多,今次學了整朱古力波波,第一次玩古力金粉銀粉,勁軟滑古力慕絲.魚膠片同水既比例啦.古力大炮.仲有用色粉整顏色古力圍邊....

學到很多書上沒教的技巧!再次燃點起我個團火!!!!!!!!

 

 

 

渴望了很久,終於有得抖抖。

一心想這5天喪做蛋糕,但沒心情,為何呢???我也說不出。

馬芬- 用了新方法做,先把麵包和牛油一起打發。書上說會更鬆軟。一出爐馬上試一個,咦?真的不錯啊!

到了爸爸回來一吃...勉強地說:"都不錯,不過有點痴牙"我再自己吃一口...天啊...熱和凍.為何差這麼遠?真的很密,不過缺了"鬆"...這個方法還是不行。

消化餅- 用全麵粉做的,自己吃來覺得很像麥維他,dede試時問他,都說ok似.但有代改良。

五星腸仔包- 用了b記粉做,價錢和金像一樣..做出來就是少了金像那陣味....完全一樣的配方,是夠軟,但為何轉另一種粉就少了甜?投降了。

法國麵包-之前的都是用直接法,買了藍帶那本法國包書,就跟它試試中種吧!第一次的結果是-失敗。難道我真的要敗給麵包嗎?

椰汁千層糕-太差了...照片也不想post..吃起來怎麼都不像wingwing的呢...

 

總結:甚麼都做不好。

 

 

 

 

 

由日記,變周記,直到依家變月記....天天都好似好閒,但又好似好忙,正終古法"無事忙"。

看看電腦內的照片,原來吃了好幾家都沒有寫BLOG呢...還有生日澳門之行和活動小組之"我生日沒驚喜"...

經過一輪暴食,8個月後又慢慢胖起來.又要減,減完又肥。家陣無得吃,唯有憑之前既照片回味下...

 

王家沙

地址:旺角彌敦道625號麗斯大廈地下A舖及部分地庫

好耐好耐好耐之前吃的.沒甚麼特吃,所以是好是差都忘了...好像還有吃擔擔麵,照片跑了哪?

 

 

金先生韓國菜館

地址:銅鑼灣波斯富街..甚麼大廈呢?忘了。

那天7點就到了,人很少,店很新,坐得非常舒服,服務也很好,食物也很好,特別是那個牛腓骨,鐵板上,蒜又香!好吃~!

慶祝dede十天大假還點了兩杯紅酒,但後來人多了就愈來愈嘈。這是香港人的特徵。

 

 

華姐清湯腩

地址:銅鑼灣天后電氣道13號A地下

我是不喜歡吃牛,肉un又鞋又酥,吃得紅肉多皮膚也不好。

不過dede落力推薦就試試,果真沒介紹錯呢~魚來腩都有分..爽腩,柱候腩,清湯腩...真的乜腩都有.呵呵.華姐的真是又平又正。

但,我依然是不喜歡吃牛。

 

 

 

 

 

 

 

 

 

 

 

堅持堅持堅持....就是忍不住一直在吃吃吃吃,肚腩又開始跑出來..背肌..手瓜....請你~~~不~~~要來~~~~

快要打回原型,但仍不停口。

好像好久沒貼覓食的照片.不是沒吃,只是懶得貼。

補貼早幾天吃的泰國菜.想吃泰國菜,就會想起九龍城街市上面的,原來除了九龍城,在CWB都可以找到正宗又好味的泰菜了,

環境坐得很舒服.泰國姐姐又親切,人又不多

這天老闆上了大陸廠,準時5點半就可以下班,到了CWB逛了一,吃過晚飯.都只是八點..呵..時間真好用。

 

兩個人點了4個菜...有點誇張吧?這也是致胖的原因。

1)咖喱蟹-咖哩汁又香又甜,蟹又超級大隻.

2)泰式凍蝦-比九龍城的還好吃.蝦頭是炸過的,但超辣!

3)串燒(豬/雞)- dede出力推介

4)豬頸肉-一向覺豬得頸肉肥"藤藤",但這家的燒得非常香口,很欣賞那汁料,用來做雜菜沙拉一定好好

是次消費$340. I 'll be back!

 

地址:	銅鑼灣禮頓道50號地下

原來由農曆年到現在...足足一個多月都沒有寫blog

忙嘛.....換了新工作要時間去適應....適應一個只聽到電腦運作聲的辦公室...

一個要"特急"、"請知"、"打印"、"電郵"、"快遞"的辦公室。。。相信不久將來我很會被同化。

 

人在忙.手都沒停.為免麵包技術還給老師,連續兩個星期都有撻麵包..開了6次料..只有3次成品..3次都係腸仔包..永不放棄!!.

(其餘3次是..酵母熱死,水份過多,發酵過熱麵團熟了..通通掉了垃圾桶),最後都成功!!!結論:一定要用金像麵粉~~

還有前陣子做過豬肉乾啦...(不好玩.只止一次)

 

 

 

 

恭喜恭喜恭喜發財

利是逗來!

 

加冰祝大家豬年..財源滾滾來!

未拍拖既朋友仔快D搵到男朋友/女朋友,個個都身體健康!

 

這個新年只有4天假期,不太足夠,初一零晨在家炸炸炸~~炸笑口(早)和牛耳..牛耳..味道我自己覺得不太好,相信不會有下次了..呵呵..

半夜4點和DD跑了去行花市買平貨.$20一盤桔(LL可以大量購買練腳法),小花一盤$2,大大個風車$2。抵!!

買完後6點半出法到黃大仙..幸好人不算太多,但我的眼睛快掉下來,超累。

初一初二的節目都是拜年.今年應該進賬不少了...

 

年廿九,我們一行11人穿得紅紅的到太白樓吃團年飯,飲杯!!!!!!!!!!!!!!順便慶祝我轉工成功!!!!!!!!!!飲杯!!!!!!!!!!!!!!!!!!

當大家飲到高高地的時間就要抽獎了,似乎大家都很喜歡我準備的小禮物。

吃個飽飽便行去旺角花市,人都不算太多,但沒甚麼好看,來玩個快閃黨.."哇........."想閃也閃不到。

希望來年大家身體健康!